നാറാത്ത്: നാറാത്ത് ഗ്രാമപഞ്ചായത്തിലെ ഗ്രാമങ്ങളിലെ ജാതി മരം എന്നറിയപ്പെടുന്ന തേക്കു മരത്തിലാണ് പുഴുശല്യം അനുഭവപ്പെടുന്നത്. നാറാത്ത് പഞ്ചായത്തിലെ 2,3 വാർഡുകളിലെ മരങ്ങളിലാണ് കൂടുതലായും പുഴുക്കളെ കാണുന്നത്. മരങ്ങളുടെ ഇല മുഴുവൻ നശിപ്പിക്കപ്പെട്ട രീതിയിലാണ് കാണപ്പെടുന്നത്. പുഴുക്കൾ റോഡിലേക്ക് തൂങ്ങിക്കിടക്കുന്നതിനാൽ ബൈക്ക് യാത്രക്കാർക്കും വഴിയാത്രക്കാരും ഇതുമൂലം ദുരിതമനുഭവിക്കുകയാണ്, വീടിനു സമീപമുള്ള തേക്കുകളിൽ നിന്ന് പുഴുക്കൾ വീട്ടിലെത്തുന്നതും നിത്യസംഭവം ആയിരിക്കുകയാണ്. വഴിയിൽ തൂങ്ങിക്കിടക്കുന്ന പുഴുക്കൾ വഴിയാത്രക്കാരുടെ മുകളിലേക്ക് വീഴാതിരിക്കുന്നതിന് പലരും കുടചൂടിയും, മരക്കഷണങ്ങൾ വീശിയുമാണ് യാത്ര ചെയ്യുന്നത്.
Post a Comment