കണ്ണൂർ:- പ്രായപൂർത്തിയാകത്ത പെൺകുട്ടിയെ പീഡനത്തിനിരയാക്കിയ കേസിൽ കണ്ണാടിപ്പറമ്പിലെ അസീബിനെ (36) ടൗൺ സ്റ്റേഷൻ പോലീസ് ഇൻസ്പെക്ടർ ശ്രീജിത്ത് കൊടേരിയും സം ഘവും അറസ്റ്റു ചെയ്തത്.
ഇക്കഴിഞ്ഞ നവംബർ ഇരുപത്തിയൊന്നിന് രാത്രിയിലാണ് സംഭവം. കുട്ടിയുടെ പിതാവിനൊപ്പം മദ്യലഹരിയിൽ വീട്ടിലെത്തിയ ഇയാൾ പതിനാറുകാരിയായ പെൺകുട്ടിയെ പീഡിപ്പിക്കുകയായിരുന്നു. സംഭവത്തെതുടർന്ന് പെൺകുട്ടി നാടുവിടുകയായിരുന്നു.
പോലീസ് പിടിയിലായ പെൺകുട്ടിയെ കൗൺസിലിംഗിന് വിധേയമാക്കിയപ്പോഴാണ് പീഡനവിവരം അറിഞ്ഞത്. തുടർന്ന് പെൺകുട്ടിയുടെ മൊഴിയെടുത്ത പോലീസ് പോക്സോ നിയമപ്രകാരം കേസെടുത്ത് കണ്ണാടിപ്പറമ്പിൽ വെച്ച് പ്രതിയെ കസ്റ്റഡിയിലെടുക്കുകയായിരുന്നു. അറസ്റ്റു ചെയ്ത പോലീസ് പ്രതിയെ വൈദ്യ പരിശോധനക്ക് വിധേ യമാക്കിയ ശേഷം കോടതിയിൽ ഹാജരാക്കും.
Post a Comment